Javnaðarflokkurin boðar í kvøld frá, at fýra javnaðarfeløg skjóta Aksel V. Johannesen upp sum nýggjan formann.
Tey fýra feløgini eru Norðoya Javnaðarfelag, Eysturoyar Javnaðarfelag, Vága Javnaðarfelag og Suðuroyar Norðara Javnaðarfelag.
Frammanundan hava Suðuroyar Sunnara Javnaðarfelag og Sandoyar Sýslu Javnaðarfelag boðað frá, at tey skjóta upp at velja Heðin Mortensen, borgarstjóra í Havn, upp sum nýggjan formann.
Eftir eru so Norðstreymoyra Javnaðarfelag og Suðurstreymoyar Javnaðarfelag at boða frá, hvønn tey fara at skjóta upp. Freistin at lata inn uppskot um formann er mikudagin.
