Føroyanevndin í Fólkatinginum er í hesum døgum á vitjan í Føroyum.
Í dag fingu tey eina serstaka uppliving, tá tey á veg inn í Eysturoynna rendu seg í springaradrápið í Hvalvík.
Magni Arge er formaður í bólkinum og greiddi á FM 1 frá, hvat síðani hendi.
Hann segði, at við tað, at tey vóru illa mannað í drápinum, tóku fleiri í bólkinum lut í drápinum.
- Tey eru eisini skrivað upp til drápspart, sigur hann flennandi.
Magni Arge greiðir frá, at tey í dag annars hava vitjað Bakkafrost og í kvøld skulu til Kirkjubøar, áðrenn tey í morgin skulu vitja í Tinganesi, á Glasi og í Sjóvinnuhúsinum og fríggjadagin vitja í Gásadali og á Atlantsflog.
Trýst á pílin undir myndini fyri at hoyra samrøðuna við Magna Arge.
