Tann 1. juni búðu 48.639 fólk í Føroyum. Hetta eru 228 fleiri enn við ársbyrjan.
Afturgongdin í fólkatalinum heldur fram í Suðuroyar- og Sandoyar Sýslu. Í Sandoyar Sýslu er afturgongdin higartil í ár 21 fólk og í Suðuroyar Sýslu er afturgongdin 15 fólk higartil í ár.
Í øllum hinum fýra sýslunum er framgongd í fólkatalinum fyrstu fimm mánaðarnar í ár. Í Vágum er framgongdin 32 fólk, í Streymoy er framgongdin 165 fólk, í Eysturoy er framgongdin 48 fólk og í Norðoyggjum er framgongdin 19 fólk.
