Fíggjarmálaráðið í Athen hevur nú kunngjørt, at tann ætlaða fólkaatkvøðan um bjargingarpakkan og evruna er avlýst.
Sagt verður, at Evangelos Venizelos, fíggjarmálaráðharri, hevði fund fyrrapartin við formannin í evrubólkinum, Jean-Claude Juncker, ES-kommiserin í fíggjar- og búskaparmálum, Olli Rehn, og týska fíggjarmálaráðharran, Wolfgang Schaeuble.
-Á fundinum kunnaði Evangelos hinar luttakararnar um, at tað verður eingin fólkaatkvøða, stendur í fráboðanini frá grikska fíggjarmálaráðnum.
