– Inngongdin í Fíggjarmálaráðnum er gjørd til ein náttklubba í áttatiárunum, og er als ikki hóskandi. Har gýsur so illa, at fólk fáa ikki arbeitt, sigur hann.
Eisini vísir hann á, at størsti parturin av pengunum skal brúkast til nýggju móttøkuna, sum er í inngongdini til Fíggjarmálaráðið.
Longri viðmerking frá Fíggjarmálaráðnum er at lesa á síðu 13.
---
Men »so far so good«.
Tí tað sum kortini ørkymlar er, at embætisfólk í Fíggjarmálaráðnum og fíggjarmálaráðharrin sjálvur kunnu finna upp á at koma við slíkum ynski í tingið, samstundis sum sami fíggjarmálaráðharri setir samgongu og landsstýri upp eftir enda fyri at finna pengar til lønarhækkingina hjá alment løntum. Stríðið fríggjadagin snúði seg um seks milliónir krónur.
Nú sigur aðalstjórin, at vanligt er við umjáttanum, tá árið er farið at halla. Men halló...
Vit kunnu eisini hyggja í rúgvuna av spariuppskotum frá landsstýrium í ár – taka eitt tilvildarligt mál:
Tann 29. september kemur uppskot í tingið frá Rósu Samuelsen um at strika viðbót, sum verður latin fyritíðarpensjónistum, sum búgva á stovni, ið er góðkendur sambært lóg um almenna forsorg.
Hetta var eitt beinleiðis spariuppskot, sum sparir landskassanum 720.000 krónur um árið.
Vit kundu nevnt fleiri dømi.
Tí er tað ikki í ordan, at tað skal vera so lætt hjá einum aðalráð at brúka eina millión bara soleiðis í eini handavend - sum kanska kann bíða eftir betri tíðum, eftirsum hon hevur bíðað alla ta tíð, Fíggjarmálaráðið hevur húsast í glasborginini á Argjum.
– Og fyri tað, um Fíggjarmálaráðið hevur spart nakrar pengar, so merkir tað ikki, at teir endiliga skulu brúkast, tað áttu fólkini í Fíggjarmálaráðnum at vitað best...
