Valfeløgini hjá Tjóðveldinum, Javnaðarflokkinum og Sambandsflokkinum í Sandoyar sýslu stuðla sandoyartingmonnunum í tunnilsmálinum Sandoyar Tjóðveldisfelag skrivar í yvirlýsing, at tað mælir øllum limum floksins at standa við givin lyfti um Sandoyartunnilin.
-Felagið ásannar týdningin av økismenningini og sær samanbindingina av landinum við vegum, tunnlum og brúm, sum ein tann týdningarmesta táttin í royndini at vekja lív kring landið, og harvið vaksa um samhaldsføstu tjóðina Føroyar. Henda menning byrjaði fyri nógvum árum síðani, og hevur verið fortreytin fyri framburði í Føroyum. Eingin orsøk er til at seta suðurpartin av landinum eftir, nú vunnu rættindini hjá fjøldini norðanfjørðs, skulu gerast veruleiki hjá føroyingum sunnanfjørðs, skrivar tjóðveldisfelagið í Sandoyar sýslu millum annað.
Valfelag Javnaðarfloksins í Sandoyar sýslu hevur boðað frá, at tað styðjar Gerhard Lognberg, tingmann og støðu hansara í tunnilsmálinum.
Í dag boðar sambandsfelaqgið í Sandoyar sýslu eisini frá, at tað stuðlar teimum báðum tingmonnunum úr oynni fult í tunnilsmálinum.
