Á valinum týsdagin gjørdist Fólkaflokkurin í Eysturkommunu størstur flokkur, men endaði í minniluta, tá Tjóðveldi, Javnaðarflokkurin og Framsókn skipaðu samgongu.
Avtalað bleiv, at Jóhan Christiansen heldur fram sum borgarstjóri og Árni Jacobsen úr Javnaðarflokkinum verður varaborgarstjóri.
Flokkarnir hava nú skipa seg og nevndarbýtið sær soleiðis út:
Fíggjarnevndin: Jóhan Christiansen, formaður, Gudny Langaard næstforkvinna
Byggi-og býarskipanarnevndin: Tollakur Joensen, formaður, Árni Jacobsen, næstformaður
Vinnu-og havnanevndin: Hanna Jensen, forkvinna, Gudny Langgaard, næstforkvinna
Mentanarnevndin: Hans Mourits Foldbo, formaður, Hanna Jensen, næstforkvinna
Trivnaðarnevndin: Hans Mourits Foldbo, formaður, Hanna Jensen, næstforkvinna
Listi A fær umboð í øllum føstu nevndunum umframt 9 aðrar nevndarsessir.
IRF: Tollakur Joensen (varamaður: Hans Mourits Foldbo)
SEV: Hans Mourits Foldbo (varamaður: Tollakur Joensen)
Eldratænastan NÁND: Jóhan Christiansen, Hanna Jensen, Gudny Langgaard
Komandi dagarnar verður yvirskipað samgonguskjal skrivað.
