Møtið fjølment í Naddoddaneystinum grækarismessudag, ónsdagin 12. mars klokkan 16, har Eyð Eidesgaard, býráðslimur, fer at halda grækarismessurøðuna, skrivar Bátafelagið Naddoddur á Tvøroyri.
Hvussu so veðrið ætlar at fara við okum, verður tað sum vant aftur í ár allarhelst ein hugnalig løta í neystinum á Tanganum.
Verður veðrið til vildar, heldur Eyð Eidesgaard røðuna úti. Trilkar hann gulið, verður tiltakið inni í neystinum. Tað týdningarmesta á grækarismessu er at fylla neystið við góðum fólki henda tjaldursdagin, skrivar Bátafelagið Naddoddur á sínum vanga á facebook.
