Lutakastið til 1/16 finalurnar í Europa League hevur verið í dag. Millum favorittarnar eru Premier League feløgini, Chelsea og Arsenal. Chelsea skal spæla móti Malmø FF úr Svøríki, meðan Arsenal skal tað longu leið til Hvítarusslands, har teir skulu spæla móti Bate Borisov.
Av øðrum favorittum kunnu nevnast spanska Sevilla, ið skal møta italska Lazio. Sevilla vann kappingina í 2014, 2015 og 2016, umframt í 2006 og 2007. Landsmenninir úr Valencia skulu spæla móti skotska Celtic.
Hóast talan er um kappingina millum feløgini, ið ikki eru nóg góð til Champions League, so er fleiri sterk lið við í kappingini. Benfica, Leverkusen Olympiakos, Dynamo Kiev, Inter Milan, Shakhtar Donetsk og Napoli hava øll royndir frá Champions league kappingini seinnu árini.
1/16 finalurnar í Europa League verða spældar 14. og 21. feburar.
Europa League 1/16 finalur:
Bate Borisov - Arsenal
Celtic - Valencia
Club Brugge - Salzburg
Fenerbahce - Zenit
Galatasaray - Benfica
Krasnodar - Leverkusen
Lazio - Sevilla
Malmø FF - Chelsea
Olympiakos - Dynamo Kiev
Rapid Wien - Inter
Rennes - Betis
Sporting CP - Villarreal
Shakhtar Donetsk - Eintracht Frankfurt
Slavia Prag - Genk
Viktoria Plzen - Dinamo Zagreb
FC Zürich - Napoli
