Tað sigur Jacob Jónsson, venjari hjá KÍF. Í løtuni tykist ongin kunna steðga kollfirðingum, sum spæla dreymahondbólt í løtuni. Venjarin vil tó ikki taka nakað fyri givið.
Kollfirðingar vunnu í kvøld ein greiðan sigur á Kyndli í fjórðingsfinaluni í steypakappingini hjá monnum. KÍF er eisini greitt á odda í landskappingin og spæla dreymahondbólt í løtuni.
- Um vit hava allan hópin frískan, so kunnu vit koma ótrúliga langt, sigur Jacob jónsson, sum tó ikki vil seta tal á heiðursmerkini.
Jacob er væl nøgdur við avrikið hjá sínum monnum í kvøld, men vísti á løtur har liðið misti stevið.
Hoyr samrøðuna við Jacob Jónsson undir greinini.
