Meðan Føroyar onkuntíð áður hava skapt yvirskriftir orsaka av brøgdum innan fótbóltsheimin, so er hetta eitt nýtt slag av uppmerksemi, tá ið umræður fótbólt.
Tí bretski miðilin Daily Star hevur í dag lagt eina grein út við føroyskari gentu, har spurt verður, um hendan man vera tann lekrasti Manchester United fjepparin.
- Meðan teir reyðu devlarnir sita á øðrum plássi í Premier League aftanfyri Manchester City, er Katrina Maria farin út at stuðla sínum liðið á Instagram, skrivar Daily Star.
Víðari verður sagt, at vakra kvinnan hevur lagt yvir 300 myndir á Instagram, har í millum fleiri, tá ið hon er ílatin Manchester United blusu, og aðrar tá hon er úrlatin.
- Katrina Maria hevur longu fingið yvir 20.000 fylgjarar á sosialu heimasíðuni. Hon er uppvaksin í Føroyum og flutti síðani til Danmarkar fyri trimum árum síðani, skrivar Daily Star.
Á blogginum skrivar Katrina Maria, at hon stuðlar liðnum, tí eftir hennara tykki er tað besta lið í heiminum.
