Herfyri kom eldur í ein goymslubygning hjá Vágs Skipasmiðju niðri á havnarlagnum í Vági.
Tað eydnaðist sløkkiliðnum at sløkkja eldin, men tá hevði bygningurin fingið stóran skaða.
Onkur akfør stóðu inni í bygninginum, men tað eydnaðist at fáa tey út, áðrenn eldur kom í tey.
Í morgun visti vaktleiðarin at siga, at løgreglan enn einki kann siga um hendingina.
- Kanningararbeiðið er ikki liðugt, og tískil vita vi ikki, hví eldur kom í goymslubygningin í Vági.
