Landsliðsvenjarin hjá manslandsliðnum, Birgir Hansen sær fram ímóti enn einum spennandi umfari í teimum fremstu deildunum í hondbólti.
Birgir Hansen væntar, at tað er rættiliga trúligt, at nummar tvey og trý í fremstu kvinnudeildini, Kyndil og VÍF/Tjaldur verða jøvn á 16 stigum, tá dystirnir sunnudagin eru avgreiddir. Birgir væntar, at Neistin knógvar Kyndli og, at VÍF/Tjaldur sigrar á Stjørnuni á heimavølli.
Í Atlantic Airways kappingini væntar Birgir Hansen, at KÍF sigrar á Team Klaksvík í kvøld. Tó heldur hann, at framgongdin hjá Team Klaksvík hevur verið eyðsýnd seinastu umførini.
Birgir væntar tveir sera javnar og tættar dystir millum Neistan og Kyndil í Havn, og VÍF og H71 í Vestmanna.
Tað ber til at hoyra prátið, sum Rás2 gjørdi við Birgir Hansen undir greinini.
