Neistin-Tjaldur 28-27 (15-13)
Triðja dystin á rað vann mansliðið hjá Neistanum ein tepran eitt-máls sigur.
Tað var annars ikki væntandi, at Tjaldur skuldi fara at geva høvuðsstaðarliðnum nakra serliga mótstøðu, men í roynd og veru var tað nær við - sera nær - at Neistin koppaði.
Stóran part av seinna hálvleiki var tað Tjaldur, sum var á odda, og eftir at Neistin aftur vann seg framum, komu gestirni upp á javnt við bert sjey sekundum eftir at leika. Í seinasta sekundinum fekk Neistin tó brotskast, og hetta setti Heini Joensen trygt í kassan.
Fyri Neistin vóru bestu málskjúttarnir Heini Joensen við níggju málum og Hans Áki Dal-Christiansen við átta. Fyri Tjaldur skutu Sverri Justinussen og Mortan Hansen átta mál hvør.
