Frammanfyri 9.971 áskoðarum í Wunderino Arena í Kiel vann liðið hjá Eliasi Ellefsen á Skipagøtu stórsigur 33-22 á HSG Wetzlar í triðja dystinum í bundesliguni hetta kappingarárið.
Kiel var flúgvandi í fyrra hálvleiki, og í steðginum var heimaliðið á odda 15-4.
Elias skoraði tvey mál upp á seks málmøguleikar, og hann legði eisini upp til tvey mál hjá Kiel.
Kiel er fremst í deildini við seks stigum fyri tríggjar dystir. Málúrtøkan er 110-77.
Komandi hóskvøld klokkan 19.30 skal Kiel spæla grannadyst móti Flensburg-Handewitt á útivølli.
