20 ára gamli Mikkel Øberg skal skjóta mál inni í Dali í 2026. Mikkel kemur til B71 úr HIK í Danmark, har hann serliga var málfarligur á U19-liðnum, skrivar B71. Mikkel, ið eitt skifti var partur av ungdómsdeildini hjá OB, fekk eisini nakað av spælitíð á bestaliðnum hjá HIK, ið spælir í triðbestu deildini í Danmark.
Í B71 frøast tey um, at tað ber til hjá teimum at fáa ungar evnaríkar leikarar at velja Sandoynna og B71. So gleða tey seg at síggja, hvussu Mikkel fer at passa inn í vaksandi hópin, og ikki minst tann vaksandi hópin av dønum, ið nú spæla við B71, skrivar B71 á facebook síðu sínari.
