Bogi Løkin, sum hevur verið skaddur seinastu tíðina, sat á beinkinum allan dystin, meðan liðfelagarnir hálaðu ein tepran, men uppibornan, 0-1 sigur í hús. Seinast Frem vann ein dyst var 11. apríl og síðani spældi liðið seks dystir, áðrenn tað endiliga komu trý stig aftur á kontoina.
Hóast tað helst er nakað seint, so koma trý stig væl við hjá Frem, um teir framvegis liva í vónini um at yvirliva í deildini. Fimm dystir eru eftir at leika og sum støðan er nú, hevur Frem sjey stig upp um markið.
