Føroysku hondbóltskvinnurnar endaðu í EM-undankappingarbólki saman við Íslandi, Montenegro og Portugal.
Føroyar vóru eisini í undankappingarbólki við Íslandi í undanfarnu EM-undankapping, har okkara taptu báðar dystirnar við fýra málum. Aftaná báðar dystirnar var semja um, at Føroyar við eitt sindur av neyvleika kundu fingið stig.
Tvey tey fremstu liðini í bólki 4 vinna seg til EM-endaspælið, ið verður í Kekkia, Póllandi, Turkalandi, Rumenia og Slovakia, dagarnar 3. til 20. desember í 2026.
Umframt tvey tey fremstu liðini vinna fýra teir bestu tríararnir í undankappingarbólkunum seg eisini til EM-endaspælið.
Undankappingardystirnir vera spældir í hesum tíðarskeiðum: 15. til 19. oktober í 2025. 4. til 8. mars í 2026, og 8. til 12. apríl í 2026.
Samlaða lutakastið:
Bólkur 1:
Frakland, Kroatia, Kosovo, Finnland
Bólkur 2:
Niðurlond, Sveis, Italia, Bosnia Hersegovina
Bólkur 3:
Týskland, Slovenia, Norðurmakedonia, Belgia
Bólkur 4:
Montenegro, Ísland, Portugal, FØROYAR
Bólkur 5:
Svøríki, Serbia, Ukraina, Litava
Bólkur 6:
Spania, Eysturríki, Grikkaland, Ísrael
