Seinastu dystirnir í innleiðandi bólki D vóru leiktir í EM-endaspælinum í fótbólti hjá kvinnum í Sveis í kvøld.
Í St. Gallen vann Ongland stórsigur 6-1 á Wales. Longu í steðginum vóru tær ensku á odda 4-0.
Í Basel vann Frakland stórsigur 5-2 á Niðurlond. Niðurlond vóru tó á odda 2-1 í steðginum, men í seinna hálvleiki var nærum bara eitt lið á vøllinum.
Frakland vinnur bólk D við níggju stigum. Ongland hevur seks stig, og Niðurlond hava trý stig. Wales hevur einki stig, men tær hava skrivað søgu við at skjóta tvey tey fyrstu málini nakrantíð í einum EM-endaspæli.
Ongland-Wales 6-1 (4-0)
1-0 Georgia Stanway, br. ('13 )
2-0 Ella Toone ('21 )
3-0 Lauren Hemp ('30 )
4-0 Alessia Russo ('44 )
5-0 Beth Mead ('72 )
5-1 Hannah Cain ('76 )
6-1 Jones Agnes Beever ('89 )
Niðurlond-Frakland 2-5 (2-1)
0-1 Sandie Toletti ('22 )
1-1 Victoria Pelova ('26 )
2-1 sjálvmál ('41 )
2-2 Marie-Antoinette Katoto ('61 )
2-3 Delphine Cascarino ('64 )
2-4 Delphine Cascarino ('67 )
2-5 Sakina Karchaoui, br. ('90 )
Skráin fyri fjórðingsfinalurnar:
Mikukvøldið klokkan 20: Noreg-Italia (Genéve)
Hóskvøldið klokkan 20: Svøríki-Ongland (Zürich)
Fríggjakvøldið klokkan 20: Spania-Sveis (Bern)
Leygarkvøldið klokkan 20: Frakland-Týskland (Basel)
Hálvfinalurnar vera leiktar týskvøldið 22. juli, og mikukvøldið 23. juli klokkan 20. Finalan verður leikt sunnudagin 27. juli klokkan 17.
