Elinborg Højgaard á Toftum hevur verið í starvi sum vaskifólk hjá Nes kommunu í samfull 41 ár.
Um stutta tíð rundar hon tey sjeyti, og nú hevur hon valt at gevast eftir hesa longu tíð í starvi.
- Meginpartin av tíðini hevur Elinborg Højgaard vaskað í skúlanum, siga tey í Nes kommunu.
Í gjár var fráfaringarløta fyri trúgva og drúgva starvsfelaganum. Løtan var í Tofta skúla.
Her nýtti borgarstjórin, Súni í Hjøllum, høvi vegna Nes kommunu at takka henni fyri áralongu tænastuna.
Borgarstjórin ynskti Elinborg Højgaard alt tað besta og framhaldandi blíðan byr á lívsleiðini.
