Elin Hanusardóttir Wang tók 1. apríl við starvinum sum starvsfólkaleiðari á Landssjúkrahúsinum.
46 ára gomu og mamma at trimum børnum, hevur hon seinastu seks árini arbeitt hjá Tórshavnar Kommunu, seinastu trý árini sum starvsfólkaleiðari. Áðrenn hon fór til Tórshavnar Kommunu arbeiddi hon á Blákrossheiminum.
Elin Hanusardóttir Wang er sjúkrarøktarfrøðingur og hevur síðani tikið skeið í kognitivari atferðsterapi. Hon hevur eisini ein mastergrad í coaching og leiðslu.
850 fólk starvast á Landssjúkrahúsinum og sum starvsfólkaleiðari hevur Elin H. Wang ábyrgd av øllum starvsfólkaøkinum og lønardeildini, eins og sjúklingajournalskipanini og granskingarøkinum.
- Tað er eitt sindur sum at koma heim aftur, tí tá eg lærdi í Føroyum, arbeiddi eg á sjúklingaskrivstovuni. Eg vænti, at mín bakgrund sum sjúkrarøktarfrøðingur fer at hjálpa mær í starvinum, við tað at eg havi góða kunnleika til bæði arbeiðsplássið og fakøkið sum heild, sigur Elin Hanusardóttir Wang.
