Sambært sløkkiliðnum í Keypmannahavn fór eldávaringin á Christiansborg í gongd, tí eldur var í eini el-installatión í kjallaranum á Christiansborg, sum hýsir danska Fólkatinginum.
Tað upplýsti átaksleiðarin Michael Jonsen.
– Vit fingu fráboðanina klokkan 13:32.
– Eldurin er sløktur, segði hann stutt fyri klokkan 14 í dag.
Avleiðingin av eldinum var, at politikarar, fjølmiðlafólk og starvsfrólk í Fólkatinginum máttu øll á dyr.
Eftir útlufting kundu tey fara inn aftur til arbeiðis.
– Vit eru næstan liðug at lufta út, so tað gongur ikki long tíð, segði Michael Jonsen tíðliga seinnapartin.
/ritzau/
