Seinnapartin týsdagin vóru boð eftir brandbilinum hjá Suðuroyar Syðra Bjargingarfelag, tí eldur var í eini kaminu í einum húsum í Lopra Tað var um 17 tíðina í gjár, at boð vóru eftir Suðuroyar Syðra Bjargingarfelag. Boð vóru um, at eldur var í eini kaminu í einum sethúsum í Lopra.
Brandbilur og manning fór á staðið, men tað var beinanvegin, at tamarhald var á støðuni, tí talan var ikki um stórvegis eld ella skaða.
