Klokkan 13.15 í dag fekk løgreglan fráboðan um, at eldur er í einum sethúsum í J.H.Schrøtersgøtu í Havn.
- Ein kvinna var í húsunum, tá eldurin kyknaði, og hon er komin út í øllum góðum. Kvinnan hevur ikki fingið likamligt mein.
Vaktleiðarin á løgreglustøðini í Havn veit í løtuni ikki at siga, hví eldurin kyknaði.
Fólk, sum eru á staðnum, skilja, at talan kann vera um, at eldur er komin í eina grýtu í sethúsunum.
Men, hesi tíðindi eru ikki váttað. Sløkkilið, sjúkrabilur og løgregla eru á staðnum í J.H. Schrøtersgøtu í Havn.
Løgreglan heitir á fólk, sum búgva og starvast í grannalagnum, um at hava vindeygu og hurðar aftur, so roykur ikki kemur inn.
##med2##
##med3##
##med4##
##med5##
##med6##
