Fyrrapartin varnaðust menn hjá Berg Motors, at eldur var komin í oljufýrið.
Hetta var um klokkan 09.20, og tað gekk bert stutt tíð, til sløkkiliðið var á staðnum og skjótt fekk sløkt eldin.
Oljufýrið sjálvt var nakað farið, men annars stóðst eingin skaði av tilburðinum.
Hóast eldurin bert var í sjálvum oljufýrs rúminum, stóðu allar hurðar upp á víðan vegg fyri at lufta út. Skaðin avmarkaði seg til oljufýrs rúmið, tí eingin roykur var at kenna aðrastaðni í bygninginum.
Tað er enn ikki greitt, hví eldur kom í oljufýrið.
