Sosialurin kunngjørdi bara listan hjá Taks sum vísir, hvussu tær 100 milliónir krónurnar, sum Taks hevur eftirgivið í mvg eru býttar millum partafeløg – og víst á, hvørjir persónar ábyrgjast fyri nøkrum av hesum feløgum. Teirra millum eru løgmaður og stjórin á Dimmlætting.
Eivind Jacobsen sigur, at einki skil er á Taks. Hann sigur eisini, at Taks hevði fingið allar pengarnar í teimum 15 likvideraðu feløgunum, sum hann hevur varðað av, um stjórin á Taks hevði svarað einum sms'i frá Eivindi.
Altso Eivind. Man rindar ikki mvg umvegis sms, men tú gert mvg uppgerðir triðja hvønn mánað, og har er ein gjaldsfreist á!
Hvussu Taks kemur fram til hesi tølini kann vera sín søk. Í síðsta enda er tað væl saktans løgmaður, sum varðar av Taks sum landsins leiðari. Hann hevur væl saktans sína hugsan um, hvørt uppgerðirnar hjá Taks eru rættar ella ikki. Dugir Taks ikki síni ting, man løgmaður so ikki fara at leggja teimum lag á?
Men Eivind Jaocnsen. Halt teg til málið og tosa ikki so nógv uttanum.
