Nú verðu Hoyvíkshøllin loksins gjørd liðugt.
Á fundi í kvøld hevur Tórshavnar Býráð samtykt at játta pening til at gera høllina lidna fyri.
Ábøtur eru gjørdar á høllina og bygt er upp í hana, men játtan var ikki til at gera hana lidna, tí tann ovasta hæddin er ikki gjørd.
- Tí mettu vit ikki, at vit fingu nyttu fyri pengarnar, sigur Helena Dam á Neystabø, forkvinna í mentanarnevndini hjá Tórshavnar býráð
Tí hevur býráðið nú samtykt at játta slakar 2,6 milliónir afturat til høllina, so at ovasta hæddin kann verða liðug, umframt til eina lift upp á hæddina, so at eisini fólk við rørslutarni fáa óskerda atgongd til hølini.
- Við hesum fáa hoyvíkingar nú eisini eina ovastu hædd í høllina, sum kann brúkast til alskyns virksemi, eitt nú í sambandi við kappingar, ella til tiltøk, til almennar fundir, til kafé, ella annað felagsarbeiði, sigur Helena Dam á Neystabø.
Fólkatalið í Hoyvík er veksandi, og stórur tørvur er á slíkum hentleikum, leggur hon afturat.
Býráðslimir halda, at hetta er eitt stórt framstig fyri hoyvíkingar, serliga tá ið hugsað verður um, at verkætlanin hevur ligið still so leingi, í veruleikanum heilt síðani í 2011.
