Tá somikið nógv viðføri skal flytast av vøllinum í Vágum og til Serbia, so er sjálvandi altíð vandi fyri, at onkur taska ikki kemur allan vegin. Og soleiðis var eisini Beograd í gjárkvøldið. Tá kuffertini vórðu tald upp, restaði eitt, og so var at finna útav, hvat skuldi verið í hesum. Tað vísti seg, at talan er um nøkur av venjingarklæðunum, sum landsliðið skal brúka á ferðini, men helst er ferðalagið somikið væl fyri á hesum økinum, at eingin spælari verður settur uttan fyri kortini. Á myndini sæst Bárður Olsen, sum er ein av liðleiðarunum, í ferð við at savna merkiseðlarnir inn, so fráboðanin um vantandi kuffertið kann gevast.
