Ein bilførari fekk fríggjadagin klipp í koyrikortið, tá hann gjørdi eina óforsvarliga yvirháling á landsvegnum á Sundi. Tað var ein bilførari, ið meldaði bilføraran, sum yvirhálaði.
Tað frættist úr døgnrapportini hjá løgregluni um vikuskiftið.
Vaktleiðarin sigur í morgun, at løgreglan hevur havt nógv fyribyrgjandi áktøk, sum tað verður kallað. Tað snýr millum annað um, at løgreglan er til staðar við skúlar, sum tey vóru fríggjadagin og aftur í morgin, at tey hava verið sjónlig í náttarlívinum, hava vitjað á verthúsum og so framvegis. Men har var sambært vaktleiðaranum gott skil á allastaðni.
Norðfestivalurin á Viðareiði hevur givið løgregluni nakað av arbeiði, men í morgun eins og í gjáramorgunum hevur vaktleiðarin góðan hug at rósa samarittunum fyri at hava gjørt eitt megnar arbeiði.
– Tey hava hjálpt fólki einar 40 ferðir.
Í gjáranáttina var ein bilførari steðgaður í miðøkinum og skuldsettur fyri at koyra ávirkaður av rúsevnum. Bilførarin hevði eisini ein mola av hassji í bilinum, og tað fær hann eisini eina eyka skuldseting fyri.
Um vikuskiftið hava eisini verið 29 uppkall til alarmsentralin, har fólk biða um hjálp til ymiskt.
