Veltan, sum er eitt áhugafelag fyri fólk við áhuga fyri velting, hevur higartil verið eitt felag, sum fyrst og fremst hevur verið virkið í Sandoynni.
Men, nú sambandið millum Sandoynna og restina av landinum batnar munandi við Sandoyartunlinum, er tíðin komin at gera Veltuna til ein felagsskap fyri allar føroyingar við áhuga fyri velting.
- Vit hugsa okkum, at einstaklingar kunnu lima seg inn, men eisini, at felagið hjálpir til við at skipa felagsvelting í fleiri støðum í landinum, og at Veltan fær ein størri bólk av vinnuligum framleiðarum sum frálíður.
Tað sigur Katrin Petersen, forkvinna í Veltuni.
##med2##
Veltan hevur aðalfund í Ísansgarði á Sandi hin 30. august, og tá verða ætlaðu broytingarnar viðgjørdar og avgerð tikin.
Fyri aðalfundin verður kunning um virksemið og rundvísing í vakstrartunlunum hjá Veltuni. Eisini verður suppa at fáa. Nýggir og gamlir limir eru vælkomnir.
- Tiltakið er lagt soleiðis, at tað passar til túrin hjá Teistanum av Gomlurætt klokkan 17.20, og byrjar tískil klokkan 18. Aðalfundurin byrjar klokkan 19, sigur Katrin Petersen.
##med3##
