Ian Andersen hevur um vikuskifti tikið lut í PGK-Z Kart altjóða meistaraskapinum í Misano í Italia.
Hendan kappingin er liður í fyrireikingunum hjá honum til heimsmeistarakappingina, sum verður í Italia í 2015.
Væl hilnaðist hjá Iani Andersen í dag. Hann vann kappingina í gear kart og hevði skjótastu tíð, meðan hann endaði á øðrum plássi í tí, sum nevnist standard kart.
Ian Andersen, ið hevur røtur í Runavík, flutti til Danmarkar sum ungur, men segði herfyri við Netávísina, at hann enn kennir seg sum føroying.
