Kringvarp Føroya hevur í longri tíð havt eitt ynski og eina ætlan um at savna alt virksemið í Sortudýki. Hetta krevur tó eina størri útbyggingarætlan, men eitt er ætlan - eitt annað pengar Helena Dam a Neystabø, landsstýriskvina í Mentamálum, sigur at Kringvarpshúsið í Sortudýkið ikki stendur serliga ovarlega á breddanum í hesum fíggjarliga trongu tíðum.
- Enn havi eg ikki sæð húsið á langtíðarfíggjarætlanini hjá landsstýrinum, og í hesum døgum verður eisini størri dentur lagdur á at finna pengar til rakstur enn íløgur, segði hon á fundi um fjølmiðlar í Miðlahúsinum herfyri.
