Hvat bilmerki koyrir tú?
- Eg koyri ein Volvo-bil, sigur Dávur Juul, borgarstjóri í Fuglafjarðar kommunu.
Koyrir tú diesel-, bensin-ella el-bil?
- Bensin.
Kann tað hugsast, at tín næsti bilur verður ein el-bilur?
- Ja, men tað verður ikki beint nú.
Hvørjar tankar hevur tú um el-bilar?
- Eg eri ikki sannførdur um, at el-bilarnir eru so grønir, sum sagt verður, tá hugsað verður um battaríframleiðsluna, og at vit enn brúka nógva tungolju til okkara el-framleiðslu.
Dávur Juul sigur seg vænta, at annað meira umhvørvisligt brennievni kemur á marknaðin um stutta tíð, og her nevnir hann eitt nú brint.
Í VikuskiftisSosialinum seinast var serblað um bilar, og her settu vit borgarstjórum nakrar spurningar um bilar.
