Tíðindafólk hjá Danmarks Radio hava lagt arbeiðið niður fyri at mótmæla teimum stóru sparingunum. Avgerðin hjá tíðindafólkunum ber í sær, at ongar tíðindasendingar eru sjónvarpi ella útvarpi hjá DR, og tað sama er galdandi fyri fleiri lokalar útvarpsstøðir.
Tiltakið er gjørt fyri at mótmæla avgerðini hjá leiðsluni at siga 300 fólkum úr starvi, eftir at nýggju húsini hjá DR eru vorðin nógv dýrari enn ætlað.
