Egning
Tá Walter byrjaði at egna, ynskti hann sær eina fartelefon, og hana hevur hann longu keypt sær.
- Nú samli eg til eina teldu, og eg eigi 9000 krónur, sigur hann smílandi.
Walter er ein raskur og serstakliga hugagóður drongur. Tað kemur
meiri enn so fyri, at hann fer í skúrin á veg í skúla, fyri at vita, um nakað verður at egna eftir skúlatíð.
Vanliga klárar hann tveir stampar eftir skúlatíð og onkran leygardag heilt upp í seks.
- Úrtøkan hjá Walter liggur um 1000 krónur um vikuna, sigur mamma
hansara, Sigrid.
<B style="mso-bidi-font-weight: normal"$?$end$!$Sosialur týdningur
Tað hevur stóran sosialan týdning fyri dreingirnar at sleppa at egna, sigur Poul Sivar Sivertsen, tá vit ringdu umborð á útróðrarbátin, Søkin, sum Walter egnir hjá.
Hann sigur, at tað sanniliga eisini hevur týdning fyri útróðurin, at dreingirnir hanga í, tí uttan teir fóru vit mangan ikki út fyri línu.
- Dreingirnir halda okkum uppi, og fyri teir er tað gott at sleppa at
arbeiða millum vaksnar menn, sigur hann.
- Poul Sivar sigur einsini, at stuttligt er at síggja, hvussu hugagóðir teir eru.
Tá vit koma aftur av útróðri eru teir á støð hjá okkum, fúsir at taka eina hond í, sigur hann.
Millum egnararnar finnast eisini gentur, og tær standa einki aftan fyri dreingirnar, sigst.
