Sólvit Simonsen
Valevni til Sands bygdarráð
Eg havi latið meg stillað upp til kommunuval komandi setu.
Ikki kann lovast gull og grønar skógir. Sands kommuna er skuldarbundin og má tað fyrsta verða tey komandi árini at fáa goldið skuldina niður, so gongd fæst á aftur. Annars er at vóna, at arbeiðsgongdin heldur fram bæði á sjógv og landi, so skal tað nokk ikki verða nakar trupulleiki at fáa tað at bera til.
Tá ið eg havi latið meg stilla upp, er tað so avgjørt ikki av nakrari egininteressu, men eg vil fegin hava ávirkan á at gera tað besta fyri bygdina hjá okkum, soleiðis at tað, sum møguleiki er at fáa á skaftið, skal sjálvandi gerast fyri tað fólk, sum her búleikast, yngri sum eldri.
