Í Vágs kommunu eru tey sera væl nøgd við Ljósfestina, sum var í Vági leygardagin.
Ljósfest er eitt mentanartiltak, sum Vágs kommuna skipar fyri.
Á skránni leygardagin vóru nógv ymisk tiltøk - alt frá listaframsýning og barnatiltaki til sølutorg og ymiskar tónleikaframførslur.
- Veðrið var so avbera gott, og sera nógv fólk vóru í Vági. Hetta sást eisini aftur í luttøkuni til ymisku tiltøkini, og tað læt til, at fólk hugnaðu sær óført.
Í Vágs kommunu eru tey sera takksom og gleða seg til Ljósfestina næsta ár, sum verður í Vági leygardagin hin 12. august 2023.
##med2##
