Hevur tú nóg mikið ella kanska rættari sagt ov mikið av pengum, er tað kanska eitt hugskot at bíleggja eina ferð við Jørðina við amerikanska ferðamannaskipinum "Seabourn Odyssey", sum fer í fasta sigling kring knøttin um tvey ár. Tann fyrsta ferðin byrjar tann 2. januar í 2010 og varir eftir ferðaætlanini 108 dagar. "Seabourn Odyssey" er marglætisskip, og tað sæst aftur á ferðaseðlaprísinum. Ein ferð kring Jørðina í 195 fermetrar stórari íbúð kostar góðar 1,2 mió. krónur.
