Eik 44 milliónir í avlopi

Hálvársroknskapurin hjá Eik Banka vísir eitt avlop upp á 44,6 milliónir krónur eftir skatt. Fyri skatt er úrslitið 54,4 millión­ir krónur. Við hálvárið 2013 javnvigar fíggjarstøðan við 7,0 milliardir krónur, og egin­pen­ingur bankans er 1,2 milliardir krónur.
– Fyrra hálvár hjá Eik Banka hevur hilnast væl, og Eik roknar við einum avlopi á áleið 60-90 milliónir krónur fyri skatt fyri árið 2013.
Tað sigur Súni Schwartz Jacob­sen, forstjóri í Eik Ban­ka, sum vísir á, at
Úrslitið farna tíðarskeið vísir eitt avlop á 44,6 milliónir krón­ur.
Úrslitið áðrenn skatt er 54,4milliónir krónur.
Útlán bankans eru 4,7 milliar­dir krónur.
Innlán bankans eru 5,5 milliardir krónur.
Niðurskrivingar av út­lán­um og yvirtiknum ognum eru á 6,7 milliónir krónur, írokn­að 14,3 milliónir krónur í virði­s­javnan
Yvirdekningur í mun til lógar­kravda gjaldførið á 222,8 pro­sent
Solvensurin við hálvárið er 23,3 prosent, móti einum tørvi á 11,2 prosent
Útlánini eru 4,7 milliardir krón­ur, sum er eitt vet lægri enn við ársenda 2012. Innlán bankans økjast framhaldandi og eru tann 30. juni 2013 á leið 10 milliónir krónur hægri enn við árslok 2012, um hædd verð­ur tikin fyri láninum við stats­veð­haldi á umleið eina milliard krónur, sum bankin rind­aði aftur í februar 2013.
Av javnanum tann 30. juni 2013 á 7,0 milliardir krónur er eginognin áljóðandi 1,2 milliardir krónur og innlán áljóða­ndi 5,5 milliardir krón­ur. Bankin fíggjar soleiðis út­lán við eginpeningi og inn­lán­um í samsvari við yvir­skip­aða málsetningin hjá banka­num.
Solvensurin er 23,3 pro­sent og likviditeturin áleið fýra ferð­ir lógarkravda minsta­mark­ið. Sostatt eru bæði sol­vens­ur og likviditetur hjá banka­num góðir.
Eik hevur lækkað bú­stað­ar­rentuna í tveimum um­før­um fyrra hálvár 2013. Fyrru ferð 15. mai 2013 lækkaði Eik lægstu set­húsa­rentu­na niður í 4%, og við virk­naði frá 1. august 2013 hevur Eik aftur lækkað lægs­t­u sethúsarentuna, hesa ferð niður í 3,75 pro­sent. Umframt hetta er bi­drag­­­ið á realkredittlánum læk­k­­að nið­ur í 1,7%, og fleiri av tæna­st­um bankans eru ó­keyp­­is.
– Bygnaður og útreiðslu­støði bankans eru eisini til­lag­að virksemið, og verður stór­­ur dentur lagdur á at veita øllum kundum eina góða og skjóta tænastu til kapp­ing­ar­førar prísir, sigur Eik í tíðindaskrivi, samstunds sum bankin boðar frá, at Eik Banki miðvíst arbeiðir við at vinna ein størri part av føroyska marknaðinum.