Hisham Qandil, sum tók við sum egyptiskur forsætisráðharri seinasta vikuskiftið, er nú liðugur at skipa eina nýggja stjórn. Tað skriva teir almennu fjølmiðlarnir í dag.
Sagt verður, at Mohammed Kamel Amr, uttanríkisráðharri, og Mumtaz al-Said, fíggjarmálaráðharri, halda fram í sínum størvum. Hini nøvnini verða almannakunngjørd í morgin.
Egyptiski forsetin, Mohamed Mursi, vendi sær í síðstu viku til Hisham Qandil og bað hann skipa stjórn. Eftir at hava fingið áheitanina segði Qandil, at hann ætlaði sær at hava fleiri serfrøðingar enn politikarar í stjórnini.
