Tá hesar reglur verða skrivaðar, er fólkatingsvalið í ikki av, men tá blaðið er prentað, er stutt eftir til vit kenna úrslitið.
Lasse Klein eins og politikarar í hinum flokkunum, sum ikki stillaðu upp, hava verið á vali.
? Eg loyvi mær at hava tað fyri meg sjálvan, hvønn eg valdi, men tað hevði eg avgjørt langa tíð frammanundan, sigur Lasse Klein.
Hann heldur ikki, at fólkatingsvalið hevur ávirkan á Løgtingsvalið..
? Eitt nú sæst tað á undirtøkuni til kommunuval og løtingsval, har smáu flokkarnir fáa góða undirtøku, sigur Lasse Klein.
Persónlig avgerð
? Hvat heldur tú um politisku støðuna í Føroyum, nú alt fleiri politiarar skifta flokk?
? Eg havi onga viðmerking til at fólk skifta flokk. Tað er ein persónlig støða, sum bert tann einstaki kann svara fyri.
Spurdur um leysatíðindini, sum hava gingið í seinastuni, at eisini broytingar verða í KrF, sigur Lasse Klein, at hann og Jákup Olsen altíð hava havt sera gott samstarv í tinginum.
? Hevur tú ætlanir um at skifta flokk?
? Nei, tað ætli eg avgjørt ikki. Eg verði verandi í KrF, tí her kenni eg meg so væl, sum ongantíð áður, sigur Lasse Klein.
Bert ein meting um at føra valstríð
? Heldur tú at tað skaðar smáu flokkarnar til løgtingsvalið, at teir ikki stillaðu upp til fólkatingsvalið?
? Nei, avgjørt ikki vænti eg tað. Fólkatingvalið kann vera ein ábending hjá onkrum flokki, sum eina meting fyri, um teir kláraðu seg væl ella illa í valstríðnum
? Sjálvur haldi eg at Fólkaflokkurin, Javnaðarflokkurin og lutvíst eisini Tjóðveldsflokkurin førdu eitt gott valstríð, men hetta hevur onga ávirkan á samansetingina í tinginum eftir valið at gera, sigur Lasse Klein.
? Hinvegin, um vit stillaðu upp og komu frá fólkatingsvalinum við vánaligum úrsliti, so hevði tað verið verri enn nú, vit ikki stillaðu upp.
