Gilli Rólantsson Sørensen hevur í Brann Bergen funnið spæligleðina aftur, eftir at hann hevði rent seg fastan á vinsta bakki í AaB.
Hoyr samrøðuna við Gilla R. Sørensen við at trýsta á pílin undir myndini
- Venjarin trúði ikki upp á meg og eg eri heldur ikki vinstri bakk. Nú er alt broytt og Brann passar betri til mín, sigur Gilli Rólantsson Sørensen, ið als ikki ynskir at spæla vinstri bakk á landsliðnum.
Til landsdystin í dag er sannlíkt, at Viljormur Davidsen ikki spælir. Annað val á vinstra bakkinum er Jóhan Troest Davidsen, men heldur ikki hann er tøkur vegna skaða. Tá nú Gilli R. Sørensen hevur spælt á vinstra bakki, so er upplagt at seta hann har.
Les eisini: Tá Lars Olsen spældi við FC Basel
- Um eg verið biðin at spæla vinstri bakk, so takki eg nei. Eg eri ein vongur og føli meg heldur ikki væl at spæla á vinstra bakki. Tí er talan ikki um at eg eru sjálvsøkin, men tað er tað besta fyri liðið, sigur tvøramaðurin, sum helst byrjar inni á vonginum.
24 ára gamli landsliðsspælarin hevur spælt fleiri pláss á vøllinum. Nakað sum hann ikki ynskir longur.
Les eisini: - Ein røtt avgerð at koma aftur
- Eg vil blíva góður til at spæla á einum plássi. So kann eg venja tað og blíva ein betri spælari. Eg eri 24 ár og má finna mítt pláss á vøllinum. Tað er vinstri vongur og tað trýr venjarin hjá Brann Bergen eisini upp á, sigur Gilli R. Sørsensen.
Rás2 er á staðnum í Luzern, tá Føroyar í dag klokkan 17 spæla móti Sveis.
