Hvar verða jólini hildin í ár?
- Heima saman við teimun nærmastu.
Tað sigur Havgrímur Johannessen, sum eigur og rekur handilin, Hon+Hann.
Hvat verður á borðinum jólaaftan og jóladagarnar annars?
- Jólaaftan er villgás og rómasoppasós á borðinum - við soppum úr føroysku náttúruni.
Havgrímur sigur, at 1. jóladag verður tað ræst kjøt.
Keypir tú jólagávur?
- Tað er so sum so við jólagávunum. Eg dugi nógv betur at selja enn keypa jólagávur, sigur hann brosandi.
Hvønn týdning hava jólini fyri teg?
- Fyri okkum, sum fyri ein part liva av jólunum, hava jólini sera stóran týdning, sigur Havgrímur Johannessen.
