Edmund Joensen vil hava fakta

– Í løtuni liggja bert git­ing­ar og leys­ar met­ing­ar til grund fyri ætlaðu yv­ir­tøk­una av loftrúminum, sigur hann.

Flutningsmálaráðharrin, Hen­rik Dam Kristensen, fær nú fleiri spurningar um umsitingina av før­oysk­um loftrúmi.

– Spurningarnar hevur Sam­­bands­flokkurin á Christ­­­i­ans­­borg sett, eftir at Løg­ting­ið hev­ur sam­tykt eitt rætt­­­i­liga iva­samt upp­skot til sam­tykt­ar, sum í sein­asta enda skal bera í sær yv­ir­tøku av um­sit­ing­ini av loft­rúmi­num yvir Føroyar, sigur hann.

Flutn­ings­mál­a­ráð­harr­in verð­­ur m. a. biðin um at út­­vega upp­­lýs­­ing­ar um, hvussu mong flog­­før flúgva í før­­oysk­um loftr­úmi, hvørji gjøld verða á­­sett, hvørj­­ar inn­tøk­ur og út­­reiðsl­­ur eru tengdar at um­­sit­­ing­­ini, og hvussu mong ar­­beiðs­pláss eru knýtt at loft­rúms­um­sit­ingini.

– Sum er hevur Løgtingið tí­verri tikið støðu út frá leys­um met­ingum og git­ing­um frá Fram­sókn, ið er upp­skots­still­ari. Onki haldgott fíggj­ar­ligt grund­a­r­lag er at taka støðu út frá. Kortini legg­ur upp­skots­still­ar­in til grund, at yv­ir­tøk­an fer at hava pos­i­tivar fíggj­ar­lig­ar av­l­eið­ing­ar, ein  umsetning á 50-100 mió. kr. árliga, og 50 upp til 100 nýggj vit­an­ar­tung arbeiðspláss, sigur Edmund Joensen.

Hann heldur tað ikki vera nóg gott at taka stór­ar av­gerð­ir utt­an at týð­andi fakta og fíggj­ar­liga grund­ar­lag­ið eru til sta­ð­ar

– Talan er í veruleikanum um eitt víð­fevnt mál, ið má við­ger­ast við varni og umhugsni, sigur hann.