Føroyameistararnir kláraðu ikki at gera nakað við Dinamo Tblisi, tá georgiska liðið í kvøld spældi á Tórsvølli.
Bara sjey minuttir vóru spældir, tá gestirnir løgdu seg á odda við brotssparki, og so skuldi heimaliðið skora seks mál bara fyri at fáa umdyst. Sjey fyri at koma víðari.
Tí kom EB/Streymur ongantíð í nærheitini av, og so endaði alt við einum 3-1 sigri til Dinamo Tblisi, sum samanlagt vann 9-2.
Eins og í dystinum í Tblisi fyri einari viku síðan, fekk EB/Streymur eitt mál at ugga seg við, hesaferð skoraðu teir tað sjálvir. Tað var Niels Pauli Danielsen, sum var meistari fyri málinum hjá føroyameistarunum á heimavølli.
Úrslitið hevur við sær, at EB/Streymur er úti av evropeisku meistarakappingini fyri í ár.
EB/Streymur-Dinamo Tblisi 1-3 (1-2)
07.: 0-1 Xisco, br.
12.: 0-2 Jaba Dvali
27.: 1-2 Niels Pauli Danielsen
84.: 1-3 Darko Glisic
EB/Streymur: Réne Tórgarð Gert Hansen, Pætur Dam Jacobsen, Rógvi Egilstoft Nielsen (80.: Árni Grunnveit Olsen), Dánjal Davidsen, Niels Pauli Danielsen (84.: Hanus Egil Olsen), Gunnar Zachariasen (70.: Brian Olsen), Levi Hanssen, Jóhannes Hansen, Arnbjørn Hansen, Leif Niclasen.
Óbrúktur eykaleikari: Símun Jóhan Wolles
Venjari: Rúni Nolsøe
Dinamo Tblisi: Loria Ustaritz, Kvaratskheila, Kvirkvelia, Seturidze (53.: Khurtsilava), Khmaladze, Merebashvili, Grigalashvili, Papava (70.: Glisic), Dvali, Xisco (71.: Vouho).
Óbrúktir eykaleikarar: Zarkua, Gvelesiani, Lekvtadze, Khocholava.
Venjari: Dusan Uhrin, jr.
Gult kort: René Tórgarð, Jóhannes Hansen Girgalashvili, Papava.
Dómari: Simon Lee Evans, Edward King, Daniel Beckett, Richard Harrington (Wales).
Myndatekstur: EB/Streymur hevði ongan kjans móti sterka georgiska liðnum FC Dinamo Tblisi, sum samanlagt vann 9-2 móti føroyameistarunum
Mynd: FC Dinamo Tblisi
