Lesur tú nógv, føroyskt ella útlendskt?
- Eg lesi nógv, serliga føroyskt, men eisini útlendskt.
Tað sigur Jóhanna Petersen á Toftum, sum alt sítt arbeiðslív hevur verið lærari.
Hvørja bók lesur tú júst nú?
- Beint nú lesi eg “Den skjulte vestkyst”, sum Stine Troldtoft Andersen hevur skrivað.
Hvørja bók ynskir tú tær í jólagávu?
- Eg ynski mær bókina, sum Jóan Pauli Joensen hevur skrivað, “Í stovuni sofu, í køki komfýr”. Bókin lýsir, hvussu vit hava búð og búleikast í Føroyum frá miðøld til 1960, har serligur dentur verður lagdur á tíðarskeiðið millum 1800 og 1960.
Hevur tú nakra meining um dygdina í føroyskum bókum?
- Eg haldi, at dygdin í føroyskum bókum er góð, sigur Jóhanna Petersen.
