John Johannessen
Kriminalløgreglan hevur sett tveir mans av til at kanna eitt neyðtøkumál, ið fór fram í eini íbúð í Havn triðja páskamorgun. Talan er um ein 19 ára gamlan drong, sum skal hava neyðtikið eina kvinnu um fjøruti ára aldur.
Drongurin varð fyrradagin fyribils fongslaður í fýra vikur, meðan kanningarnar fara fram. Løgreglan sigur, at nógv er at kanna í málinum, men hon væntar at vera liðug við kanningararbeiðið áðrenn ungi maðurin skal fyri rættin 24. mei.
