Tað skuldi vísa seg at vera ein genialur taktikkur, sum di Matteo legði fyri sítt Chelsea-lið í stórdystinum móti Barcelona.
Og tað má sigast at vera í besta Mourinho-stíli, at liðið frá Stamford Bridge vann 1-0 á Barcelona. Chelsea spældi ótrúliga tolið og samanpakkað, og tær ferðirnar, Barca spældi seg til møguleikar, vóru teir óneyvir, ella stóð Petr Cech stinnur.
Serliga í fyrra hálvleiki spældi útiliðið væl, uttan tó at fáa teir heilt stóru møguleikarnar burtursæð frá einum lobbi á yvirliggjaran frá einum heilt fríum Alexis Sanchez.
Eitt sindur ironiskt spældi Barcelona ikki so væl í seinna hálvleiki, men áttu at havt skorað. Tað bleiv til eina rúgvu av bóltflytan aftur g fram beint framman fyri miðlinjuna, men tað var eisini tað.
Inn til í yvirtíðini, tá góð kombinatión endaði við, at innskifti Pedro rakti stongina, meðan retururin endaði langt oman fyri.
Hetta er 6. ferð á rað , at Chelsea fer ósigrað av vølli móti Barcelona.
