Dramatikkur í niðurflytingarstríðnum

Watford hevur givið Nigel Pearson sparkið í dag, meðan AFC Bournemouth bara hevur ein avbera lítlan møguleika at yvirliva í Permier League hetta kappingarárið. Norwich er longu flutt niður. Aston Villa er undir niðurflytingarstrikuni, meðan Watford er trý stig røttu megin.

Watford hevur í dag sent venjarn, Nigel Pearson, heim. Hann er triði venjarin, sum Watford hevur givið sekkin í hesum kappingarárinum. Fyrst fleiri Javi Garcia sendur heim og avloystur av Quique Sanchez Flores. Síðani fekk hann fótin og Hayden Mullins tók við fyribils, til Nigel Pearson bleiv settur. Hann er nú eisini koyrdur.

Tað eru tvey umfør eftir í Premier League og Watford kann eg flyta niður. Liðið hevur 34 stig fyri 36 dystir, meðan Aston Villa hevur 31 stig fyri 36 dystir og AFC Bournemouth hevur somuleiðis 31 stig, men fyri 37 dystir.

AFC Bournemouth spældi í dag móti Southampton, sum vann 2-0. AFC Bournemouth skoraði til 1-1 móti dystarenda, men málið bleiv kolldømt, tí ein viðspælari var mettur at blanda seg í spælið úr rangstøðu. Southampton fór í hin endan og skoraði til 2-0.