Fyri umleið einum tíma síðan fór træseglskipið Dragin úr Klaksvík á Flesjarnar á Tangafirði.
MRCC veit at siga, at ein skúlaflokkur var umborð á skipinum, tá tað gjørdist fast á Flesjunum.
- Ein útróðrarbátur, sum var á leiðini, tók næmingarnar umborð, og tríggir av manningini eru eftir umborð á Draganum.
MRCC siga tey, at skipið lekur ikki, men enn hava kavarar ikki verið niðri, og tí er í løtuni trupult at siga, hvussu fast skipið stendur.
Lagt verður aftrat, at tað er gott veður á leiðini, og tað er eingin vandi við teimum, sum eru eftir umborð í træseglskipinum.
##med2##
##med3##
